Ոչ պետական բուհերի ղեկավարները անուշադրության են մատնում
ուսանողական սպորտը
08-10-2009 18:16:00 | Հայաստան | Սպորտ
ԵՐԵՎԱՆ, 8 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 9-ին Երեւանի
«Սպարտակ» աթլետիկական մարզադաշտում կտրվի հայաստանի ուսանողական
հանրապետական 10-րդ խաղերի ծրագրով աթլետիկական կրոուսի մեկնարկը:
Ծրագրում ընդգրկված է 5 մարզաձեւ` կրոուս, շախմատ, վոլեյբոլ,
բասկետբոլ, սեղանի թենիս: Ինչպես «ՆՏ»-ի թղթակցին հայտնեց ՀՀ
Ուսանողական մարզական ֆեդերացիայի գլխավոր քարտուղար Հենրիկ
Մոկացյանը, մրցումներին կմասնակցեն 13 պետական բուհերի ուսանողներ:
Նա նշեց, որ ոչ պետական բուհերի ղեկավարները անուշադրության
են մատնում ուսանողական սպորտը. հավատարմադրված բուհերին նույնպես
ուղարկվել է խաղերի ծրագիրն ու կանոնադրությունը, բայց նրանցից ոչ
մեկը մասնակցության հայտ չի ներկայացրել: