Հայաստանի թենիսի տղամարդկանց հավաքականը Կոտ դ'Իվուարում իր
հաշվին գրանցեց պարտություններ
05-05-2009 16:44:00 | Հայաստան | Սպորտ
ԵՐԵՎԱՆ, 5 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 4-ին Կոտ դ'Իվուարում
ավարտվեց թենիսի Դեվիսի գավաթի խաղարկության եվրոաֆրիկյան գոտու
չորորդ ենթախմբի մրցաշարը:
Մրցավայր էին ժամանել ենթախմբում ընդգրկված թիմերից միայն
5-ը: Հայաստանի տղամարդկանց հավաքականը (Հարություն Սոֆյան, Աշոտ
Գեւորգյան, Հենրիկ Նիկողոսյան կազմով) պարտվեց տանտերերի` 1:2
Գանայի` 0:3, Զիմբաբվեի` 1:2 թիմերին, ապա վերջին խաղում հաղթեց
Կամերունի պատվիրակներին` 3:0, եւ գրավեց նախավերջին` 4-րդ, տեղը:
Կանոնադրությամբ առաջին քառյակում տեղ գտած թիմերը հաջորդ
տարի կխաղան ավելի բարձր` երրորդ, ենթախմբի մրցաշարում: