Բաթումի միջազգային մրցաշարում Հայաստանի 13 ըմբիշներ
մրցանակակիրներ դարձան
20-04-2009 18:46:00 | Վրաստան | Սպորտ
ԲԱԹՈՒՄ, 20 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 16-18-ին Բաթումում
անցկացվեց հունահռոմեական ըմբշամարտի միջազգային երիտասարդական
մրցաշար Հայաստանի, Վրաստանի, Ադրբեջանի եւ Թուրքիայի
հավաքականների մասնակցությամբ:
Հայաստանը մրցավայր էր գործուղել 17 մարզիկի: Նրանցից 5-ը`
Սարգիս Խաչատրյանը (50 կգ, Երեւան), Ալեքսան Միքայելյանը (55 կգ,
Գյումրի), Հովհաննես Վարդերեսյանը (66 կգ, Երեւան), Էդուարդ
Սարգսյանը (74կգ, Երեւան) եւ Վաչիկ Եղիազարյանը (120 կգ, Երեւան)
արժանացան հաղթողի կոչմանը: Իսկ Հայաստանի հավաքականի ութ անդամներ
դարձան 2-րդ եւ 3-րդ մրցանակակիրներ:
Ապրիլի 24-ին հունահռոմեական ըմբշամարտի երիտասարդական
հավաքականի 18 անդամներ կմեկնեն Իրան, որտեղ 10-օրյա համատեղ հավաք
կանցկացնեն տեղի թիմի հետ: