ԵՐԵՎԱՆ, 26 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 25-ին Երեւանում ավարտվեց Հայաստանի կանանց շախմատի բարձրագույն խմբի առաջնությունը: Չեմպիոնին որոշելու համար անցկացվեցին 25-ական րոպե տեւողությամբ 2 լրացուցիչ պարտիաներ: 2:0 հաշվով հաղթեց Սիրանուշ Անդրիասյանը եւ պահպանեց չեմպիոնուհու կոչումը: Տղամարդկանց մրցաշարում 9 փուլից հետո 6,5 միավորով առջեւից է ընթանում Կարեն Ասրյանը: 1 միավոր պակաս ունեն եւ 2-5-րդ տեղը բաժանում են Արման Փաշիկյանը, Տիգրան Նալբանդյանը, Տիգրան Լ. Պետրոսյանը եւ Տիգրան Քոթանջյանը:

---