ԼՈՍ ԱՆՋԵԼԵՍ, 15 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 14-ին Լոս Անջելեսի «Քոլեջ» մարզադաշտում տեղի ունեցավ ֆուտբոլի Հայաստանի եւ Պանամայի ազգային հավաքականների ընկերական հանդիպումը: Այն ավարտվեց ոչ-ոքի` 1:1, հաշվով: Հայաստանի հավաքականից 11 մետրանոց տուգանային հարվածով գոլի հեղինակ է դարձել Արա Հակոբյանը: Հաջորդ ընկերական հանդիպումը նախատեսվում է հունվարի 17-ին Ֆրեզնո քաղաքում տեղի թիմերից մեկի հետ:

---