ՀՈՒՆՎԱՐԻ 11-ԻՆ ԼՐԱՆՈՒՄ Է ԿԱՇՎԵ ԳՆԴԱԿԻ ՄԵԾ ՎԱՐՊԵՏ ՆԻԿՈԼԱՅ
ՂԱԶԱՐՅԱՆԻ 60-ԱՄՅԱԿԸ
10-01-2007 13:36:00 | Հայաստան | Սպորտ
ԵՐԵՎԱՆ, 10 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 11-ին կլրանա
Խորհրդային միության չեմպիոն, կրկնակի փոխչեմպիոն եւ կրկնակի
գավաթակիր, հայկական ֆուտբոլի մեծ վարպետներից մեկի` Նիկոլայ
Ղազարյանի, 60-ամյակը: Նա խաղացել է ԽՍՀՄ երիտասարդական եւ
օլիմպիական հավաքականներում, «Արարատի» հիմնական կազմում խփել է
ավելի քան 100 գոլ, եղել է անկախ Հայաստանի ֆուտբոլի ֆեդերացիայի
առաջին նախագահը:
«ՆՈՅՅԱՆ ՏԱՊԱՆ»-ի թղթակցի հետ զրույցում Ն.Ղազարյանը նշեց, որ
թե ինքը, եւ թե ընդհանրապես «Ոսկե Արարատի» յուրաքանչյուր
ֆուտբոլիստ խաղում էր մարզասերի համար եւ մրցասպարեզում պայքարել
ամբողջ նվիրումով: «Դա մեր գերագույն նպատակն էր ֆուտբոլում»,-
ասաց անվանի ֆուտբոլիստը: