ԵՐԵՎԱՆ, 9 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 14-ին Լոս Անջելեսի «Քոլեջ» մարզադաշտում նախատեսված է Հայաստանի ֆուտբոլի ազգային հավաքականի ընկերական հանդիպումը Պանամայի հավաքականի հետ, իսկ հունվարի 17-ին` 2-րդ ընկերական մրցամարտը Ֆրեզնո քաղաքում տեղի թիմերից մեկի հետ: Հայաստանի հավաքականը ԱՄՆ կմեկնի հունվարի 10-ին: Նշենք, որ հունվարի 8-ին Հայաստանի ֆուտբոլի ազգային հավաքականը ստուգողական հանդիպում անցկացրեց Երեւանի «Բանանց» ակումբի հետ եւ հաղթեց 4:1 հաշվով:

---