ԵՐԵՎԱՆ, 8 ՀՈՒՆՎԱՐԻ, ՆՈՅՅԱՆ ՏԱՊԱՆ: 2006թ.-ի հունվար-նոյեմբերին Հայաստանի քիմիական արդյունաբերությունում արտադրվել է 12 մլրդ 763,9 մլն դրամի արտադրանք (մոտ 30,3 մլն ԱՄՆ դոլար), կամ 2005թ.-ի համապատասխան ժամանակահատվածի համեմատ 18,3%-ով պակաս: ՀՀ Ազգային վիճակագրական ծառայության տվյալներով, 2006թ.-ի հունվար-նոյեմբերին թողարկվել է 3 մլրդ 357,1 մլն դրամի ռետինե եւ պլաստմասսայե արտադրանք, կամ 2005թ.-ի նույն ամիսների համեմատ 10,5%-ով ավելի: 2006թ.-ի հունվար-նոյեմբերին քիմիական արդյունաբերության հիմնական արտադրատեսակներից սինթետիկ կորունդի արտադրությունը 2005թ.-ի համապատասխան ժամանակաշրջանի ցուցանիշի համեմատ աճել է 4,9 անգամ, լաքաներկանյութերինը` 36,6%-ով, պլաստմասսայե արտադրատեսակներինը` 14,7%-ով, լվացող, մաքրող եւ օսլայող միջոցներինը` 9,7%-ով, իսկ սինթետիկ կաուչուկի եւ կաուստիկ սոդայի արտադրության ծավալները նվազել են, համապատասխանաբար, 39,7%-ով եւ 48,8%-ով:

---