ՍԻՍԻԱՆՈՒՄ ԿՍՏԵՂԾՎԻ ՀԱՅԱՍՏԱՆԻ ԱԶԳԱՅԻՆ ՊԱՏԿԵՐԱՍՐԱՀԻ
ՄԱՍՆԱՃՅՈՒՂ
21-12-2006 20:08:00 | Հայաստան | Մշակույթ
ԵՐԵՎԱՆ, 21 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հաշվի առնելով
քաղաքացիներ Զաքար Խաչատրյանի եւ Արտաշես Հովսեփյանի (Խաչատրյան)
առաջարկությունը, դեկտեմբերի 21-ի նիստում ՀՀ կառավարությունը
որոշել է նրանց սեփականությունը հանդիսացող Սյունիքի մարզի Սիսիան
քաղաքի Սպանդարյան փողոցի N16 հասցեում գտնվող 196,06 քմ ընդհանուր
մակերեսով երկհարկանի առանձնատունը եւ 980 քմ հողամասն ընդունել
որպես նվիրատվություն Հայաստանի Հանրապետությանը` «Հայաստանի
ազգային պատկերասրահ» ՊՈԱԿ-ի մասնաճյուղ` տուն-թանգարան, ստեղծելու
պայմանով:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ կառավարության
Տեղեկատվության եւ հասարակայնության հետ կապերի վարչությունից, ՀՀ
մշակույթի եւ երիտասարդության հարցերի նախարարին հանձնարարվել է
որոշման մեջ նշված գույքային իրավունքների պետական գրանցումից հետո
երկամսյա ժամկետում ապահովել հիշյալ հասցեում գտնվող նվիրաբերված
առանձնատանը սահմանված կարգով «Հայաստանի ազգային պատկերասրահ»
ՊՈԱԿ-ի մասնաճյուղի ստեղծումը: