ԴԵԿՏԵՄԲԵՐԻ 17-ԻՆ ԿԱՄՓՈՓՎԵՆ «ԵՐԳՈՂ ՀԱՅԱՍՏԱՆ» ՄԱՆԿԱՊԱՏԱՆԵԿԱՆ
2-ՐԴ ՄՐՑՈՒՅԹԻ ԱՐԴՅՈՒՆՔՆԵՐԸ
15-12-2006 16:26:00 | Հայաստան | Մշակույթ
ԵՐԵՎԱՆ, 15 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 17-ին «Արամ
Խաչատրյան» համերգասրահում կամփոփվեն «Երգող Հայաստան»
երգչախմբային եւ վոկալ արվեստի մանկապատանեկան 2-րդ մրցույթի
արդյունքները: Ինչպես դեկտեմբերի 15-ի ասուլիսում հայտնեց
Հայաստանի երաժշտական ընկերության նախագահ Դավիթ Ղազարյանը,
նոյեմբերի 15-ից մեկնարկած մրցույթը կազմակերպվել էր ՀՀ Մշակույթի
եւ երիտասարդության հարցերի նախարարության, Հայաստանի երաժշտական
ընկերության եւ Երեւանի քաղաքապետարանի «Հայաստանի փոքրիկ
երգիչներ» ասոցիացիայի նախաձեռնությամբ:
Ըստ Դ.Ղազարյանի, մրցույթին մասնակցել են հանրակրթական եւ
երաժշտական դպրոցների, մանկապատանեկան ստեղծագործական կենտրոնների
երգչախմբեր Երեւանից եւ մարզերից: Նրա խոսքերով, մրցույթին
մասնակցության հայտ ներկայացրած 85 երգչախմբերից 2-րդ փուլ են
անցել 32-ը, իսկ հաղթող են ճանաչվել` 13-ը: