ԵՐԵՎԱՆ, 14 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 14-ից Երեւանի «Աստրալ» ակումբում համերգներով հանդես կգա ամերիկյան «Paper boys intl» խումբը: Ինչպես դեկտեմբերի 14-ի ասուլիսում նշեցին խմբի անդամներ Սեթո Թունջբոյաջանը, Ուիլյամ Դեյսը եւ Քարլթոն Կարվալյոն, իրենց կատարումներում նրանք օգտագործում են ամենատարբեր երաժշտական գործիքներ` քանոն, դուդուկ, շեփոր, սաքսոֆոն եւ այլն: Նշվեց, որ շուտով կթողարկվի մեկամյա պատմություն ունեցող «Paper boys intl»-ի առաջին ձայնասկավառակը: Իսկ երկրորդ ձայնասկավառակի որոշ մասը կձայնագրվի Հայաստանում:

---