ՊՐՎԱՆՈՎԸ ՎԵՐԸՆՏՐՎԵԼ Է ԲՈՒԼՂԱՐԻԱՅԻ ՆԱԽԱԳԱՀԻ ՊԱՇՏՈՆՈՒՄ
30-10-2006 20:24:00 | | Միջազգային
ՍՈՖԻԱ, 30 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ - ԱԶԱՏՈՒԹՅՈՒՆ:
Բուլղարիայում ավարտվեց նախագահական ընտրությունների երկրորդ
փուլը: Ըստ երկրի Կենտրոնական ընտրական հանձնաժողովի, գործող
նախագահ Գեորգի Պրվանովը ստացել է քվեարկությանը մասնակցած
ընտրողների ձայների 75,9 տոկոսը: Նրա մրցակիցը` «Ատակա» ազգայնական
կուսակցության առաջնորդ Վոլեն Սիդերովը ստացել է ձայների 24
տոկոսը:
«Մենք ակնկալում էինք լավ արդյունքներ եւ հասանք դրան»,-
լրագրողներին երկուշաբթի օրը ասել է Պրվանովը:- «Այսօրվա արդյունքը
գնահատականն է այն ամենի, ինչի կարողացել ենք հասնել անցած հինգ
տարիների ընթացքում»:
Գեորգի Պրվանովը Բուլղարիայի առաջին նախագահն է, որը
վերընտրվել է երկրորդ ժամկետի համար:
Բուլղարիայում ապրում է մեծաթիվ` շուրջ 50-հազարանոց հայկական
համայնք: