ԵՐԵՎԱՆ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի Ճարտարապետների միությունում հոկտեմբերի 20-ին բացված ցուցահանդեսում ներկայացված են Երեւանի ճարտարապետության եւ շինարարության պետական համալսարանի (ԵՃՇՊՀ) ուսանողների եւ շրջանավարտների 180 գեղանկարչական եւ գրաֆիկական աշխատանքներ: Ինչպես նշեց պրոֆեսոր Հենրիկ Մամյանը, համալսարանի «Ճարտարապետություն» ֆակուլտետում դասավանդվում է նկարչություն առարկա, որպեսզի ուսանողների մոտ զարգանան գեղարվեստական, գրաֆիկական ու ստեղծագործական ունակությունները: Ըստ նրա, այս ցուցադրությունը առաջինն է համալսարանի պատմության մեջ եւ ընդգրկում է վերջին 20-25 տարիներին ստեղծված աշխատանքները, որոնք մինչ այդ ցուցադրվել եւ բարձր են գնահատվել արտասահմանյան շատ երկրներում: Հ.Մամյանը նշեց, որ նմանատիպ ցուցահանդեսներ նախատեսվում է կազմակերպել ամեն տարի:

---