ԹԲԻԼԻՍԻ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 21-ին էներգետիկայի նախարար Նիկա Գիլաուրին կմեկնի Թեհրան` Վրաստանին իրանական գազի մատակարարման վերաբերյալ բանակցություններ վարելու նպատակով: Նիկա Գիլաուրին հոկտեմբերի 10-12-ը գտնվում էր Բաքվում, որտեղ բանակցություններ էր վարել ադրբեջանական «Շահ-Դենիզ» հանքավայրից Բաքու-Թբիլիսի-Էրզրում խողովակաշարով Վրաստանին գազ մատակարարելու վերաբերյալ: Իրանական գազի Վրաստան արտահանման վերաբերյալ Վրաստանի եւ Իրանի միջեւ համաձայնության ձեռք բերման դեպքում Ադրբեջանը պատրաստ է իր տարածքը տրամադրել գազի տարանցման համար,- հաղորդում է «Փրայմ-նյուսը»:

---