ԲԱՔՈՒ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ադրբեջանի պետական
գույքի կառավարման կոմիտեն հայց է ներկայացրել տնտեսական դատարան
«Ազալըգ» թերթի խմբագրությանը Բաքվի կենտրոնում իր տրամադրության
տակ գտնվող շենքից վտարելու մասին: Հայցի համաձայն պետք է վտարվեն
նաեւ այդ շենքում գտնվող «Ժողովրդական ճակատ» կուսակցության, «Մեր
ուղին» թերթի, «Թուրան» գործակալության, Ժողովրդավարության
զարգացման ֆոնդի եւ այլ կառույցների գրասենյակները, հաղորդում է
«Ազատություն» ռադիոկայանը:
Հայցվորը դատարանին խնդրում է անվավեր ճանաչել Բաքվի
քաղաքապետարանի հրամանագիրը, որով 1992 թվականին շենքը հանձնվել է
«Ազադլըգ» թերթի խմբագրության տրամադրությանը:
Թերթի ներկայացուցիչները տեղի ունեցածը համարում են ճնշում եւ
ընդդիմադիր պարբերականը փակելու փորձ: