ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ «ՄԻԿԱ-ԵՐԵՎԱՆԸ» ՏՈՆԵՑ ՀԵՐԹԱԿԱՆ
ՀԱՂԹԱՆԱԿԸ
13-10-2006 16:28:00 | Ավստրիա | Սպորտ
ԻՆՍԲՐՈՒԿ, 13 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ավստրիայի Ինսբրուկ
քաղաքում անցկացվող Եվրոպայի շախմատի ակումբային թիմերի
առաջնությունում հերթական հաղթանակն է տոնել «Միկա-Երեւան»-ը:
Հոկտեմբերի 12-ին խաղարկված 5-րդ փուլում Հայաստանը ներկայացնող
թիմը 2,5:1,5 հաշվով պարտության է մատնել Սարատովի «Էկոնոմիստին»
եւ 9-ը միավորով շարունակում է միանձնյա գլխավորել մրցաշարային
աղյուսակը: Առաջատարից մեկ միավորով պակաս ունի եւ 2-րդ
հորիզոնականն է զբաղեցնում Վրաստանի «Էներջի Ինվեստ Սաքարթվելո»-ն:
Տղամարդկանց մրցաշարում Հայաստանի «Բանկային արքա»-ն 5-րդ
փուլում ոչ-ոքի է խաղացել ՌԴ-ի «Տոմսկ 400»-ի հետ եւ 8 միավորով
բաժանում է 3-9-րդ տեղերը: