ԲԱՔՈՒ, 9 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վրաստանի նախագահի տիկին
Սանդրա Էլիզաբեթ Ռուլովսը եռօրյա այցով գտնվում է Ադրբեջանում:
Ինչպես հաղորդում է «Ռեգնում» գործակալությունը, լրագրողների
հետ զրուցելիս իր այցի նպատակների առնչությամբ Սանդրա Ռուլովսը
հայտարարել է, որ «երկու երկրների միջեւ ստեղծվել են բարեկամական
հարաբերություններ»: «Ադրբեջան այցելության ժամանակ կարծիքների
փոխանակում կկայանա բժշկության, մշակույթի եւ կրթության
բնագավառներում այդ կապերի ընդլայնման մասին»,- հայտնել է նա:
Նույն օրը Վրաստանի նախագահի կինը այցելել է կրակապաշտների
«Աթեշգյախ» («Կրակատուն») տաճար, որ կառուցվել է 16-18-րդ
դարերում: Հոկտեմբերի 10-ի երեկոյան Ռուլովսը կմասնակցի վրացական
գինիների համտեսի արարողությանը Բաքվի զվարճությունների
կենտրոնում: