ՀԱՅԱՍՏԱՆԻ ԱՌԱՋՆՈՒԹՅԱՆ ԱՐԴՅՈՒՆՔՆԵՐՈՎ ՈՐՈՇՎԵՑԻՆ ԱՇԽԱՐՀԻ
ԱՌԱՋՆՈՒԹՅԱՆ 2 ՄԱՍՆԱԿԻՑ ՄԱՐՄՆԱՄԱՐԶԻԿՆԵՐԸ
05-10-2006 17:54:00 | Հայաստան | Սպորտ
ԵՐԵՎԱՆ, 5 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 5-ին Ալբերտ
Ազարյանի անվան մարմնամարզության մասնագիտացված մարզադպրոցում
ավարտվեց սպորտային մարմնամարզության Հայաստանի առաջնությունը:
Տղամարդկանց բազմամարտում հանրապետության չեմպիոնի կոչմանն
արժանացավ Վահագն Ստեփանյանը: Նրան հաջորդեցին Հարություն
Մերդինյանը եւ Սերոբ Սողոմոնյանը: Առանձին գործիքների եզրափակիչում
Վահագն Ստեփանյանը լավագույնը ճանաչվեց ազատ վարժություններում,
օղակների եւ զուգափայտերի վրա, Հ.Մերդինյանը` նժույգաթափում,
հենացատկում` Արտյոմ Ավետյանը, իսկ պտտաձողին` Սերոբ Սողոմոնյանը:
Կանանց բազմամարտում 1-2 տեղերը բաժանեցին Աստղիկ
Գյուլնազարյանն ու Լիանա Կուբալյանը: 3-րդ մրցանակակիր դարձավ Աննա
Եղյանը:
Վահագն Ստեփանյանը եւ Հարություն Մերդինյանը ավագ մարզիչ
Հակոբ Սերոբյանի գլխավորությամբ հոկտեմբերի 8-ին կմեկնեն Դանիայի
Արհուս քաղաքը, որտեղ մինչեւ հոկտեմբերի 22-ը կմասնակցեն աշխարհի
առաջնությանը: