ԲԱՔՈՒ, 3 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ադրբեջանում Ռուսաստանի դեսպան Վասիլի Իստրատովը հանդես է գալիս ղարաբաղյան կարգավորման բանակցային գործընթացի շարունակման օգտին: «Անկասկած, բանակցային գործընթացը չպետք է դադարի, ուստի համանախագահների աշխատանքը մինսկյան գործընթացի անբաժանելի մասն է: Նրանք կճանապարհվեն տարածաշրջաններ, եւ միայն դրանից հետո կարելի կլինի ամփոփել ինչ-ինչ արդյունքներ: Սակայն համոզված եմ, որ բանակցային գործընթացը պետք է շարունակվի»,- ընդգծել է դիվանագետը: Դեսպանը նշել է, որ ԵԱՀԿ Մինսկի խմբի համանախագահները մի քանի շաբաթ առաջ կողմերի քննարկմանն են ներկայացրել փաստաթուղթ հակամարտության կարգավորման առաջարկներով, եւ այժմ սպասում են դրանց արձագանքին Բաքվի եւ Երեւանի կողմից,- հաղորդում է «Դեյ.ազը»:

---