ՀՀ ԱՆԿԱԽՈՒԹՅԱՆ ՏԱՐԵԴԱՐՁԻ ԱՌԹԻՎ «ՄՈՎՍԵՍ ԽՈՐԵՆԱՑԻ» ՄԵԴԱԼ ԵՎ
ՊԱՏՎԱՎՈՐ ԿՈՉՈՒՄՆԵՐԻ ՎԿԱՅԱԿԱՆՆԵՐ ՀԱՆՁՆՎԵՑԻՆ ՄԻ ԽՈՒՄԲ ՄԱՐԶԱԿԱՆ
ԱՇԽԱՏՈՂՆԵՐԻ
20-09-2006 14:40:00 | Հայաստան | Սպորտ
ԵՐԵՎԱՆ, 20 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 20-ին ՀՀ
Ֆիզկուլտուրայի եւ սպորտի պետական կոմիտեի նախագահ Իշխան Զաքարյանը
պարգեւներ հանձնեց ոլորտի մի խումբ աշխատողների:
ՀՀ անկախության 15-րդ տարեդարձի առթիվ «Դինամո» ԿՄԸ-ի
ըմբշամարտի մարզիչ Հարություն Խաչատրյանին հանձնվեց «Մովսես
Խորենացի» մեդալը, որը նրան շնորհվել է ՀՀ նախագահ Ռոբերտ
Քոչարյանի սեպտեմբերի 12-ի հրամանագրով:
Ֆիզիկական կուլտուրայի եւ սպորտի զարգացման գործում ներդրած
նշանակալի ավանդի եւ բազմամյա վաստակի համար Յուրի Արմենակի
Բաբայանը (ըմբշամարտի մարզիչ), Անժելա Սերոբի Միրզոյանը (ՀԱՕԿ-ի
գլխավոր մասնագետ) եւ Ռոբերտ Սրապի Տիգրանյանը («Սեւան» ԳԿՄԸ-ի
նախագահ) արժանացել են ֆիզիկական կուլտուրայի եւ սպորտի վաստակավոր
գործչի պատվավոր կոչման: