ՀԱՅԱՍՏԱՆԻ 2 ԲՌՆՑՔԱՄԱՐՏԻԿՆԵՐ ՇԱՐՈՒՆԱԿՈՒՄ ԵՆ ՊԱՅՔԱՐԸ ԱՇԽԱՐՀԻ
ԵՐԻՏԱՍԱՐԴԱԿԱՆ ԱՌԱՋՆՈՒԹՅՈՒՆՈՒՄ
14-09-2006 15:30:00 | Մարոկկո | Սպորտ
ԱԳԱԴԻՐ, 14 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Մարոկկոյի Ագադիր
քաղաքում անցկացվող բռնցքամարտի աշխարհի երիտասարդական առաջնության
նախնական երկու փուլերում մրցակիցների նկատմամբ բացահայտ
առավելությամբ հաղթանակ է տարել եւ քառորդ եզրափակիչ է անցել Ցոլակ
Անանիկյանը (81 կգ, Կոտայքի մարզ, Առինջ): Սեպտեմբերի 14-ին նա
կմրցի Ռուսաստանի ներկայացուցչի հետ: Հաղթանակի դեպքում
Ց.Անանիկյանը դուրս կգա կիսաեզրափակիչ եւ իր համար կապահովի
առնվազն բրոնզե մեդալ:
Ինչպես «ՆՈՅՅԱՆ ՏԱՊԱՆ»-ի թղթակցին հեռախոսազրույցում հայտնեց
Հայաստանի պատվիրակության ղեկավար Լեւոն Հովհաննիսյանը, առաջին
փուլում վիճակահանությամբ մրցումներից ազատ մնաց Հայկ Մկրտչյանը
(48 կգ, Արմավիրի մարզ, Այգեկ): Սեպտեմբերի 14-ին նա կանցկացնի իր
առաջին մենամարտը եւ հաջողության դեպքում նույնպես կմտնի քառորդ
եզրափակիչ:
Հայաստանի հավաքականի մյուս 6 բռնցքամարտիկները նախնական
փուլերում պարտվեցին եւ դուրս մնացին հետագա պայքարից: