«ԱՅԱՔՍԻ» ՂԱԿԱՎԱՐՈՒԹՅՈՒՆԸ ՉԻ ԹՈՒՅԼԱՏՐԵԼ ԷԴԳԱՐ ՄԱՆՈՒՉԱՐՅԱՆԻՆ
ԺԱՄԱՆԵԼ ԵՐԵՎԱՆ ԵՎ ՀԱՆԴԵՍ ԳԱԼ ՀԱՅԱՍՏԱՆԻ ՀԱՎԱՔԱԿԱՆԻ ԿԱԶՄՈՒՄ
01-09-2006 18:44:00 | Հայաստան | Սպորտ
ԵՐԵՎԱՆ, 1 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ֆուտբոլի Հայաստանի
երիտասարդական հավաքականը Եվրոպայի 2007թ.-ի առաջնության ընտրական
2-րդ փուլի խմբային մրցաշարի ծրագրով սեպտեմբերի 2-ին Երեւանի
Հանրապետական մարզադաշտում կհյուրընկալի Նորվեգիայի թիմին:
Հայաստանի հավաքականի գլխավոր մարզիչ Սամվել Պետրոսյանը հրապարակել
է հավաքականի կազմը, որում ընդգրկված չեն Էդգար Մանուչարյանը, որին
հրաժարվել է բաց թողնել Հոլանդիայի «Այաքս» ակումբը, եւ
Հունաստանում գտնվող Ժորա Հովհաննիսյանը, որը չի արձագանքել խաղին
մասնակցելու հրավերին:
Հայաստանի հավաքականի անդամների մեծ մասը «Փյունիկից» են,
3-ը` «Բանանց» ակումբից, 1-ը` «Ուլիսից», եւս 1-ը` ավստրիական
«Պաշինգ» թիմից:
Նորվեգիայի հավաքականի խաղացողները հիմնականում հանդես են
գալիս այդ երկրի բարձրագույն դիվիզիոնի թիմերում: