ԱՇԽԱՐՀԻ ԱՌԱՋՆՈՒԹՅՈՒՆՆԵՐՈՒՄ ՀԱՅԱՍՏԱՆԻ ՄԱՐԶԱԿԱՆ ՊԱՏԻՎԸ
ԿՊԱՇՏՊԱՆԵՆ 8 ԸՄԲԻՇՆԵՐ
28-08-2006 15:34:00 | Հայաստան | Սպորտ
ԵՐԵՎԱՆ, 28 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի վերջին -
սեպտեմբերի սկզբներին Գվատեմալայում հաջորդաբար կանցկացվեն
հունահռոմեական եւ ազատ ըմբշամարտերի երիտասարդական
առաջնությունները: Օգոստոսի 29-30-ը մրցագորգ կելնեն
հունահռոմեական ոջի ըմբիշները, որոնց թվում են Հայաստանը
ներկայացնող գյումրեցիներ Խոսրով Մելիքյանը (60 կգ), Հրաչյա
Հովհաննիսյանը (66 կգ), Արսեն Ջուլֆալակյանը (Երեւան, 74 կգ) եւ
Արթուր Թովմասյանը (Էջմիածին, 84 կգ):
Ազատ ոճայինները մրցանակների համար պայքարը կսկսեն սեպտեմբերի
1-ից: Հայաստանի մարզական դրոշի պատիվը կպաշտպանեն երեւանցիներ
Արթուր Առաքելյանը (60 կգ), Սուրեն Ադյանը (60 կգ), Էդգար Ենոքյանը
(84 կգ) եւ մարտունեցի Խաչիկ Ամրոյանը (74 կգ):