ԵՐԵՎԱՆ, 29 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 29-ին ավարտվեց սպորտային մարմնամարզության Ալբերտ Ազարյանի անվան միջազգային մրցաշարը: Առանձին գործիքների վրա վարժություններում հաղթողներ դարձան Վահագն Ստեփանյանը (օղակներ եւ զուգափայտ), Հարություն Մերդինյանը (նժույգաթափք), Արտյոմ Ավետյանը (ազատ վարժություններ եւ հետացատկ) եւ Սերոբ Սողոմոնյանը (պտտաձող): Մրցաշարի բացարձակ հաղթող դարձավ երեւանցի Վահագն Ստեփանյանը: Հյուրերից 3-րդ մրցանակները նվաճեցին Վրաստանի ներկայացուցիչներ Պաատա Նոզաձեն, Վասիլ Սաբանաձեն, Իլյա Գեորգաձեն, իսկ ավստրիացի Մաուր Մարգոն հենացատկերում զբաղեցրեց երկրորդ տեղը:

---