ԹԲԻԼԻՍԻ, 22 ՀՈՒՆԻՍԻ, ՆՈՅՅԱՆ ՏԱՊԱՆ: Այսօր երկօրյա
աշխատանքային այցով Վրաստան է ժամանում ԵԱՀԿ գործող նախագահ,
Բելգիայի արտաքին գործերի նախարար Կարել դե Գուխտը: Այդ մասին
հայտնել են Վրաստանի ԱԳՆ-ում:
Այցի շրջանակում ծրագրված են հանդիպումներ Վրաստանի նախագահ
Միխայիլ Սահակաշվիլու, խորհրդարանի նախագահ Նինո Բուրջանաձեի,
վարչապետ Զուրաբ Նոգաիդելու, արտաքին գործերի նախարար Գելա
Բեժուաշվիլու, ինչպես նաեւ ոչ կառավարական կազմակերպությունների
ներկայացուցիչների հետ:
Հունիսի 23-ին ԵԱՀԿ գործող նախագահը կայցելի Ցխինվալի
տարածաշրջանի հակամարտության գոտի: