2005-ԻՆ ՀԱՅԱՍՏԱՆԻ ԹԱՏՐՈՆՆԵՐԸ ՀԱՆԴԻՍԱՏԵՍԻՆ ԵՆ ՆԵՐԿԱՅԱՑՐԵԼ 73
ՆՈՐ ԵՎ 12 ՀԻՄՆԱՎԵՐԱԿԱՆԳՆՎԱԾ ԲԵՄԱԴՐՈՒԹՅՈՒՆ
22-05-2006 18:30:00 | Հայաստան | Մշակույթ
ԵՐԵՎԱՆ, 22 ՄԱՅԻՍԻ, ՆՈՅՅԱՆ ՏԱՊԱՆ: 2005 թ. Հայաստանում գործել
են 25 թատերահանդեսային կազմակերպություններ: Թատերական
կազմակերպությունների թիվը 2004 թ. համեմատ ավելացել է մեկով:
Նախորդ տարվա 1939-ի դիմաց 2005 թ. թատրոնները ցուցադրել են 2354
ներկայացում: Ըստ ՀՀ Ազգային վիճակագրական վարչության տվյալների,
2005 թ. թատրոններ հաճախումների քանակը կազմել է 397,2 հազար: 1000
բնակչի հաշվով հաճախումները կազմել են 123:
Անցած տարի պատրաստվել եւ հանդիսատեսին է ներկայացվել 73 նոր
(2004 թ.` 62) եւ 12 հիմնավերականգնված (2004 թ.` 10)
բեմադրություն:
Թատերական ներկայացումներից ստացված հասույթը կազմել է 238,7
մլն դրամ (շուրջ 530 հազար ԱՄՆ դոլար): Միջին հաշվով մեկ
ներկայացման մուտքի վճարումներից հասույթը կազմել է 101,4 հազար
դրամ:
Թատերահանդեսային կազմակերպությունների ընդհանուր ֆինանսական
միջոցները 2005 թ. կազմել են 1379,0 մլն դրամ, իսկ դրանց
ֆինանսական ընդհանուր ծախսերը` 1378,2 մլն դրամ: