ԵՂԵԳՆԱՁՈՐ, 11 ՄԱՅԻՍԻ, ՆՈՅՅԱՆ ՏԱՊԱՆ: Եղեգնաձորում մայիսի 4-9-ը անցկացվեց Խորհրդային Միության հերոս Վահիկ Լեւոնյանի վոլեյբոլի հուշամրցաշարը: Գրեթե քսանամյա ընդմիջումից հետո արդեն երեք տարի հերոսի ազգականների նախաձեռնությամբ եւ Վայոց ձորի մարզպետարանի աջակցությամբ անցկացվող մրցումներում այս տարի իրենց ուժերն էին չափում 9 համայնքների եւ մարզում տեղակայված զորամասի թիմերը: Հուշամրցաշարի փակման հանդիսավոր արարողությունը տեղի ունեցավ մայիսի 9-ին Արփիում` Վ.Լեւոնյանի անունը կրող միջնակարգ դպրոցում: Երրորդ անվամ մրցաշարի հաղթող ճանաչվեց եւ փոխանցիկ գավաթը նվաճեց Եղեգնաձորի թիմը: Երկրորդ եւ երրորդ տեղերը գրավեցին, համապատասխանաբար, Արփիի եւ Չիվայի թիմերը:

---