ԵՐԵՎԱՆ, 14 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 14-ին Հայաստանի ազգային օլիմպիական կոմիտեի նախագահ Գագիկ Ծառուկյանն ընդունեց գեղասահորդներ Անաստասիա Գրեբյոնկինային եւ Վազգեն Ազրոյանին: Գրեբյոնկինա-Ազրոյան երկյակը Թուրինում կայացած 20-րդ ձմեռային օլիմպիական խաղերում պարային զույգերի մրցումներում գրավել 20-րդ տեղը: Նրանք կարող էին ավելի բարձր տեղ գրավել, եթե չլինեին մրցավարական վրիպումները: ՀԱՕԿ-ի նախագահի եւ գեղասահորդների տեւական զրույցի ընթացքում շոշափվեցին նրանց մրցելույթներին, մրցավարությանը վերաբերող հարցեր: Գ.Ծառուկյանը Գրեբյոնկինային եւ Ազրոյանին հավաստիացրեց, որ օլիմպիական կոմիտեի կողմից կարվի ամեն ինչ, որպեսզի բարձր կարգի մրցումներում Հայաստանը մրցավար ունենա: Դա հնարավորություն կտա, որպեսզի մեր մարզիկների նկատմամբ աչառու վերաբերմունք չդրսեւորվի:

---