ՀԱՅԱՍՏԱՆԻ ՊԵՏԱԿԱՆ ԱԿԱԴԵՄԻԱԿԱՆ ԵՐԳՉԱԽՈՒՄԲԸ ԵԼՈՒՅԹ ԿՈՒՆԵՆԱ
ՄՈՍԿՎԱՅԻ ՍԲ. ԱՄԵՆԱՓՐԿԻՉ ՏԱՃԱՐՈՒՄ
15-02-2006 14:55:00 | Հայաստան | Մշակույթ
ԵՐԵՎԱՆ, 15 ՓԵՏՐՎԱՐԻ, ՆՈՅՅԱՆ ՏԱՊԱՆ - ՀԱՅԵՐՆ ԱՅՍՕՐ:
Ռուսաստանում Հայաստանի տարվա կապակցությամբ, մարտի 1-ին Մոսկվայի
նորակառույց Սբ. Ամենափրկիչ տաճարում համերգային ծրագրով հանդես
կգա Հայաստանի Պետական ակադեմիական երգչախումբը` ղեկավարությամբ
Հովհաննես Չեքիջյանի:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին ՀՀ մշակույթի եւ
երիտասարդության հարցերի նախարարության արտաքին կապերի
վարչությունից, Հայաստանի տարվա կապակցությամբ մարտի 12-26-ը
Մոսկվայում կանցկացվի հայկական ջազի շաբաթ, որի ընթացքում
համերգներով ելույթ կունենա Հայաստանի պետական Ջազ-բենդը`
ղեկավարությամբ կոմպոզիտոր Արմեն Մարտիրոսյանի:
Ամբողջ տարվա ընթացքում Ռուսաստանյան Դաշնության տարբեր
քաղաքներում համերգներով հանդես կգան դաշնակահար Սվետլանա
Նավասարդյանը, ջութակահար Նիկոլայ Մադոյանը, դուդուկահարներ Ջիվան
Գասպարյանը եւ Գեւորգ Դաբաղյանը: