ՄՈՍԿՈՎՅԱՆ ՇԱԽՄԱՏԱՅԻՆ ՓԱՌԱՏՈՆՈՒՄ ՀԱՅԱՍՏԱՆԻ
ՆԵՐԿԱՅԱՑՈՒՑԻՉՆԵՐԻՑ ԴԵՌԵՎՍ ԼԱՎԱԳՈՒՅՆ ՑՈՒՑԱՆԻՇՆ ՈՒՆԻ ԴԱՎԻԹ
ՊԵՏՐՈՍՅԱՆԸ
14-02-2006 19:00:00 | Հայաստան | Սպորտ
ԵՐԵՎԱՆ, 14 ՓԵՏՐՎԱՐԻ, ՆՈՅՅԱՆ ՏԱՊԱՆ: «Աերոֆլոտ օփեն»
մոսկովյան շախմատային փառատոնի գլխավոր` «Ա1», մրցաշարին մասնակցող
Հայաստանի բոլոր ներկայացուցիչները 6-րդ տուրի իրենց հանդիպումները
ոչ-ոքի ավարտեցին: Հայ շախմատիստներից առավել բարձր արդյունք ունի
Վլադիմիր Հակոբյանը. նա 4,5 միավորով բաժանում է 2-6-րդ տեղերը`
կես միավորով ետ մնալով միանձնյա առաջատար Պավել Ելյանովից
(Ուկրաինա): Իսկ Գաբրիել Սարգսյանը, Կարեն Ասրյանը եւ Տիգրան
Լ.Պետրոսյանը 4-ական միավորով բաժանում են 7-18-րդ տեղերը:
Հայաստանի շախմատիստները շատ հաջող են խաղում նաեւ «Բ» եւ «ԳՆ
մրցաշարերում: «Բ»-ում միանձնյա առաջատարը երեւանցի երիտասարդ
շախմատիստ Դավիթ Պետրոսյանն է, որը 7 հնարավորից 6,5 միավոր է
վաստակել եւ 2-3-րդ տեղերը բաժանող մասնակիցներից առաջ է անցել 1
միավորով: Այս մրցաշարում 5-ական միավորով 5-19-րդ տեղերը
բբաժանողների թվում են Դավիթ Քալաշյանը, Ավետիք Գրիգորյանը, Արման
Հայրապետյանը եւ Դավիթ Կարաթորոսյանը: «Գ» մրցաշարում Հայաստանի
ներկայացուցիչներ Արթուր Ղարագյոզյանը եւ Անի Ավանեսյանը 7
հնարավորից վաստակել են 6 միավոր եւ բաժանում են 2-5-րդ տեղերը:
Առաջատարների թվում են նաեւ Աղասի Ինանցը եւ Արմենակ Եղիազարյանը:
«Աերոֆլոտ օփեն»-ի «Ա1» եւ «Ա2» մրցաշարերում մնացել է
անցկացնել 3-ական, իսկ«Բ» եւ «Գ» մրցաշարերում` 2-ական տուր: