ՎԵՅԿ ԱՆ ԶԵԵ, 26 ՀՈՒՆՎԱՐԻ, ՆՈՅՅԱՆ ՏԱՊԱՆ: Հոլանդիայի Վեյկ ան
Զեե քաղաքում 14 գրոսմայստերների մասնակցությամբ ընթացող շախմատի
միջազգային մրցաշարում անցկացվեցին 10-րդ տուրի հանդիպումները:
Հայաստանի ներկայացուցիչ, աշխարհի գավաթակիր Լեւոն Արոնյանը սեւ
խաղաքարերով մրցեց աշխարհի չեմպիոն, բուլղարացի Վեսելին Թոփալովի
հետ: Պարտիան ընթացավ շատ հետաքրքիր պայքարում եւ ավարտվեց
Թոփալովի հաղթանակով:
Այս հաղթանակից հետո Վ.Թոփալովը 10 հնարավորից վաստակել է 7,5
միավոր եւ միանձնյա գլխավորում է մրցաշարային աղյուսակը:
Լ.Արոնյանն ունի 4,5 միավոր եւ բաժաում է 8-10-րդ տեղերը:
Վեյկ ան Զեեի մրցաշարի ավարտի մնացել է 3 տուր: 11-րդ տուրում
Լեւոն Արոնյանը խաղալու է Իսրայելի ներկայացուցիչ Բորիս Գելֆանդի
հետ: