ՄԵԿՆԱՐԿԵԼ Է «ՂԱՐԱԲԱՂ-2005» ՇԱԽՄԱՏԻ ՄԻՋԱԶԳԱՅԻՆ ՄՐՑԱՆՇԱՐԸ
04-10-2005 18:36:00 | Հայաստան | Սպորտ
ՍՏԵՓԱՆԱԿԵՐՏ, 4 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Լեռնային Ղարաբաղի
մայրաքաղաք Ստեփանակերտում մեկնարկել են շախմատի միջազգային երկու
մրցաշարեր: Հատկապես ուժեղ կազմ ունի «Ղարաբաղ-2005»-ի «Ա»
մրցաշարը, որում հանդես են գալիս ուժեղագույն 10 գրոսմայստերներ:
Մրցաշարն ըստ ՖԻԴԵ-ի դասակարգման սանդղակի 17-րդ կարգի է:
Անցկացված 2 տուրից հետո մրցաշարի միանձնյա առաջատարն է Աշոտ
Անաստասյանը (Հայաստան), որը 2 միավոր է վաստակել: Մյուս
մասնակիցների արդյունքներն այսպիսին են. Լեւոն Արոնյան (Հայաստան),
Բու Քսիանժի (Չինաստան)` 1,5-ական, Ալեքսեյ Դրեեւ (Ռուսաստան),
Կարեն Ասրյան (Հայաստան), Իվան Սոկոլով (Հոլանդիա)` 1-ական,
Հիկարու Նակամուրա (ԱՄՆ), Բարթոլոմեյ Մաձեյա (Լեհաստան), Վասիլի
Իվանչուկ (Ուկրաինա), Վիկտոր Բոուգան (Մոլդովա)` 0,5-ական միավոր:
«F» մրցաշարը, որը նույնպես ուժեղ կազմ ունի, 11-րդ կարգի է:
Այստեղ հանդես են գալիս 10 շախմատիստներ, որոնք 7 երկրներ են
ներկայացնում: 2 տուրից հետո առջեւում 3 գրոսմայստերներ են` Եվգենի
Սվեշնիկովը (Լատվիա), Սերգեյ Գրիգորյանցը (Հայաստան) եւ Տիգրան
Լ.Պետրոսյանը (Հայաստան), որոնք 1,5-ական միավոր են վաստակել: