ԲԵՆԻԱՄԻՆ ԳԱԼՍՏՅԱՆԸ ՀԱՂԹԵՑ «ԼԱՀԻՋԱՆ-ՕՓԵՆ» ՄԻՋԱԶԳԱՅԻՆ
ՄՐՑԱՇԱՐՈՒՄ
06-09-2005 18:22:00 | Հայաստան | Սպորտ
ԵՐԵՎԱՆ, 6 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Երեւանցի երիտասարդ
միջազգային վարպետ Բենիամին Գալստյանը խոշոր հաջողության հասավ
Իրանում անցկացված շախմատի «Լահիջան-օփեն» 4-րդ միջազգային
մրցաշարում, որին մասնակցում էին 5 երկրների` Իրանի, Ադրբեջանի,
Թուրքմենստանի, Ֆրանսիայի եւ Հայաստանի, 238 շախմատիստներ: Նրանցից
5 գրոսմայստերներ էին, 14-ը` միջազգային վարպետներ: Բ.Գալստյանը եւ
ադրբեջանցի գրոսմայստեր Գադիր Հուսեյնովը շվեյցարական խաղակարգով
անցկացված մրցաշարի 11 տուրում վաստակեցին 9-ական միավոր եւ
բաժանեցին 1-2-րդ տեղերը, սակայն քանի որ հայ շախմատիստի
մրցաշարային գործակիցներն ավելի բարձր էին, նրան էլ շնորհվեց 1-ին
տեղն ու հաղթողի կոչումը: 3-րդ տեղը գրավեց իրանցի գրոսմայստեր
Ղայեմ Մաղամին, որը 8,5 միավոր վաստակեց: Նույնքան միավոր ուներ
նաեւ Հայաստանի ներկայացուցիչ, պատանի միջազգային վարպետ Արման
Փաշինյանը, սակայն ավելի ցածր գործակիցների պատճառով նա ճանաչվեց
8-րդը:
Լահիջանի միջազգային մրցաշարում բարձր տեղե գրավեցին
Հայաստանը ներկայացնող եւս 2 շախմատիստներ. Հրանտ Մելքոնյանը 8
միավորով 10-րդն էր, Դավիթ Պետրոսյանը` 7 միավորով` 26-րդը: