ԼԵՎՈՆ ԲԱԲՈՒՋՅԱՆԸ ՀԱՂԹԵՑ ՍԵՎԱՆԻ ՄԻՋԱԶԳԱՅԻՆ ՄՐՑԱՇԱՐՈՒՄ
30-08-2005 17:20:00 | Հայաստան | Սպորտ
ԵՐԵՎԱՆ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: Հայաստանի, Վրաստանի,
Ռուսաստանի եւ Իրանի 10 շախմատիստներ մասնակցեցին Հայաստանի
շախմատի ակադեմիայի կազմակերպած միջազգային մրցաշարին, որն
անցկացվեց Սեւանում: Մրցաշարի մասնակիցների միջին վարկանիշը 2376
էր, ինչը համապատասխանում է ՖԻԴԵ-ի դասակարգման սանդղակի 7-րդ
կարգին:
Մրցաշարի հաղթող դարձավ երեւանցի շախմատիստ Լեւոն Բաբուջյանը,
որը 9 հնարավորից 7 միավոր վաստակեց: Նրանից ընդամենը կես միավորով
ետ մնաց 2-րդ մրցանակակիր, թբիլիսցի Գիա Մարգվելաշվիլին: 6-ական
միավորով 3-4-րդ տեղերը բաժանեցին Զավեն Անդրեասյանը (Երեւան) եւ
Արթուր Չիբուխչյանը (Ստեփանակերտ): 3-րդ մրցանակակիր ճանաչվեց
Զ.Անդրեասյանը, որի լրացուցիչ ցուցանիշներն ավելի բարձր էին: