ՍԱՄՎԵԼ ՊԵՏՐՈՍՅԱՆ. «ՊԱՅՔԱՐԵԼՈՒ ԵՆՔ ՄՐՑԱՆԱԿԱՅԻՆ ՏԵՂԵՐԻ ՀԱՄԱՐ»
02-06-2005 20:45:00 | Հայաստան | Սպորտ
ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: 19 տարեկան ֆուտբոլիստների
Հայաստանի հավաքականը Հունգարիայում անցկացված Եվռոպայի
առաջնության 2-րդ ընտրական փուլում հաղթելով իրավունք նվաճեց
հանդես գալու եզրափակիչ փուլում: Հայաստանի ֆուտբոլի ֆեդերացիայում
հունիսի 2-ին կայացած ասուլիսում հավաքականի գլխավոր մարզիչ Սամվել
Պետրոսյանը նշեց, որ այդ հաջողությունը ձեռք է բերվել թիմի բոլոր
ֆուտբոլիստների շնորհիվ եւ այդ կերպ է հնարավոր դարձել առաջ անցնել
Իտալիայի եւ Բելգիայի ուժեղ հավաքականներից: Անդրադառնալով
հուլիսին Հյուսիսային Իռլանդիայում կայանալիք Եվրոպայի առաջնության
եզրափակիչ փուլին, Հայաստանի հավաքականի գլխավոր մարզիչն ասաց, որ
թիմի առջեւ խնդիր է դրված պայքարել մրցանակային տեղ գրավելու
համար: Նշվեց նաեւ, որ Հյուսիսային Իռլանդիայում կայանալիք
մրցաշարում 1-5-րդ տեղերը գրավող թիմերն իրավունք կստանան
մասնակցելու աշխարհի պատանեկան առաջնությանը: