ԵՐԵՎԱՆ, 18 ՄԱՅԻՍԻ, ՆՈՅՅԱՆ ՏԱՊԱՆ: Մայիսի 17-ին եւ 18-ին
անցկացվեցին ֆուտբոլի Հայաստանի առաջնության բարձրագույն խմբի
մրցաշարի հերթական տուրի խաղերը: Երկրի չեմպիոն «Փյունիկը»
վստահորեն 5-2 հաշվով հաղթեց «Բանանցին», իսկ «Միկան» 3-1 հաշվով`
«Լեռնային Արցախ»-ին: Երկու հանդիպումներում ոչ-ոքի գրանցվեցին.
«Շիրակի» եւ «Դինամո-Զենիթ»-ի խաղն ավարտվեց 3-3,
«Էսթեղլալ-Կոտայք»-ի եւ «Լեռնագործ-Արարատ»-ի խաղը` 1-1 հաշվով:
Այս տուրում խաղից ազատ էր «Կիլիկիան»:
Առաջատարը Երեւանի «Փյունիկն» է, որը 6 խաղից 16 միավոր է
վաստակել: Երկրորդ տեղում է Երեւանի «Բանանցը» (12 միավոր),
երրորդում` Աշտարակի «Միկան» (10 միավոր): «Բանանցը» եւ «Միկան»
5-ական խաղ են անցկացրել: