ՖՈՒՏԲՈԼԻ ՀԱՆՐԱՊԵՏԱԿԱՆ ԱՌԱՋՆՈՒԹՅՈՒՆՈՒՄ ՄԻԱՆՁՆՅԱ ԱՌԱՋԱՏԱՐԸ
«ԲԱՆԱՆՑՆ» Է
02-05-2005 18:35:00 | Հայաստան | Սպորտ
ԵՐԵՎԱՆ, 2 ՄԱՅԻՍԻ, ՆՈՅՅԱՆ ՏԱՊԱՆ: Ապրիլի 30-ին եւ մայիսի 1-ին
անցկացվեցին ֆուտբոլի Հայաստանի առաջնության բարձրագույն խմբի 3-րդ
տուրի հանդիպումները: Հայաստանի չեմպիոն «Փյունիկը» 1-1 հաշվով
ավարտեց իր խաղը «Էսթեղլալ-Կոտայք»-ի հետ: Մյուս 3 հանդիպումներն
ավարտվեցին միեւնույն` 1:0 հաշվով: Այդպես «Կիլիկիան» հաղթեց
«Լեռնային Արցախին», «Բանանցը»` «Շիրակին», «Լեռնագործ-Արարատ»-ը`
«Դինամո-Զենիթ»-ին: Այս տուրում ազատ էր «Միկան»:
Երեք տուրից հետո մրցաշարային աղյուսակը միանձնյա գլխավորում
է «Բանանցը», որը 9 միավոր է վաստակել: Նրան հաջորդում են
«Փյունիկը» եւ «Կիլիկիան»` 7-ական, «Միկան», «Լեռնային Արցախ»-ը եւ
«Լեռնագործ-Արարատ»-ը` 3-ական, «Էսթեղլալ-Կոտայք»-ը` 2, «Շիրակը»
եւ «Դինամո-Զենիթ»-ը` 0 միավորով:
«Միկան», «Շիրակը» եւ «Դինամո-Զենիթ»-ը անցկացրել են 2-ական
խաղ, մյուս 6 թիմերը` 3-ական: