ԱՐՍԵՆ ԵՂԻԱԶԱՐՅԱՆՆ ՈՒ ԶԱՎԵՆ ԱՆԴՐԵԱՍՅԱՆԸ ՊԱՀՊԱՆՈՒՄ ԵՆ
ՄՈՍԿՈՎՅԱՆ ՄՐՑԱՇԱՐՈՒՄ ՀԱՂԹԵԼՈՒ ՀՆԱՐԱՎՈՐՈՒԹՅՈՒՆԸ
22-02-2005 19:16:00 | Ռուսաստան | Սպորտ
ՄՈՍԿՎԱ, 22 ՓԵՏՐՎԱՐԻ, ՆՈՅՅԱՆ ՏԱՊԱՆ: Մոսկվայում ընթացող
շախմատի միջազգային խոշոր մրցաշարը` «Աերոֆլոտ» օփենը, մոտենում է
ավարտին: 4 խմբով անցկացվող մրցաշարի 650 շախմատիստների թվում են
նաեւ Հայաստանի 28 ներկայացուցիչներ: Նրանցից առավել բարձր
արդյունք այս պահին ունեն Արսեն Եղիազարյանը եւ Զավեն Անդրեասյանը:
«A-2» խմբում, որտեղ 7 տուր է անցկացվել, Ա.Եղիազարյանը 5,5
միավորով բաժանում է 1-4-րդ տեղերը: Իսկ Զ.Անդրեասյանը «B» խմբում,
որտեղ 8 տուր է անցկացվել, 7 միավորով բաժանում է 1-2-րդ տեղերը:
«A-1» խմբում, որտեղ հանդես են գալիս ուժեղագույնները,
միանձնյա առաջատարը Ռուսաստանի ներկայացուցիչ Անդրեյ Խառլովն է.
նա 7 հնարավորից 6 միավոր է վաստակել: Նույն խմբում հանդես եկող
Վլադիմիր Հակոբյանը վաստակել է 4,5 միավոր, իսկ Լեւոն Արոնյանը,
Գաբրիել Սարգսյանը, Կարեն Ասրյանը եւ Տիգրան Լ.Պետրոսյանը` 4-ական
միավոր:
«B» եւ «C» խմբերում հաղթողները հայտնի կդառնան փետրվարի
22-ին, իսկ «A-1» եւ «A-2» խմբերում` փետրվարի 23-ին: