ԲԵՌԼԻՆԻ ԱՄԵՆԱՄՅԱ ԿԻՆՈՓԱՌԱՏՈՆՈՒՄ ՆԵՐԿԱՅԱՑՎԵԼ ԵՆ ՍՓՅՈՒՌՔԱՀԱՅ
ԵՐԵՔ ԿԻՆՈՌԵԺԻՍՈՐՆԵՐԻ ՖԻԼՄԵՐ
22-02-2005 19:15:00 | Հայաստան | Մշակույթ
ԵՐԵՎԱՆ, 22 ՓԵՏՐՎԱՐԻ, ՆՈՅՅԱՆ ՏԱՊԱՆ: Բեռլինում փետրվարի
10-20-ը կայացած ամենամյա կինոփառատոնի մրցութային ծրագրերում
ներկայացվել են սփյուռքահայ երեք կինոռեժիսորների ֆիլմեր:
Ֆրանսահայ կինոռեժիսոր Ռոբեր Գետիկյանի «Վերջին Միտերանը»
կինոնկարն ընդգրկված էր հիմնական մրցութային ծրագրում, իսկ
ֆրանսահայ ռեժիսոր Ֆրեդերիկ Բալեքջյանի «Մոլախաղ» եւ մոսկվաբնակ
Աննա Մելիքյանի «Մարս» կինոնկարները ներկայացվել են «Պանորամա»
մրցութային ծրագրում:
Ինչպես «ՆՈՅՅԱՆ ՏԱՊԱՆ»-ի թղթակցի հետ զրույցում նշեց
Կինոլրագրողների եւ կինոքննադատների ասոցիացիայի նախագահ Սուսաննա
Հարությունյանը, այս անգամ հայաստանցի կինոռոժիսորները չեն
մասնակցել բեռլինյան փառատոնին, սակայն հաջորդ տարի, ամենայն
հավանականությամբ, ֆիլմեր կներկայացվեն: