ԵՐԵՎԱՆՈՒՄ ՖՈՒՏԶԱԼԻ ԱՌԱՋԻՆ ՀԱՆԴԻՊՈՒՄԸ ՇԱՀԵՑԻՆ ՎՐԱՑԻ
ՄԱՐԶԻԿՆԵՐԸ
21-02-2005 19:55:00 | Հայաստան | Սպորտ
ԵՐԵՎԱՆ, 21 ՓԵՏՐՎԱՐԻ, ՆՈՅՅԱՆ ՏԱՊԱՆ: Երեւանում առաջին անգամ
անցկացվեց ֆուտզալի միջազգային հանդիպում: Հայաստանի նախորդ
առաջնության արծաթե մեդալակիր, երկրի գավաթակիր «Թալ Գրիգը» եւ
Վրաստանի առաջնության բրոնզե մեդալակիր «Իմեդին», օգտվելով ներքին
մրցումներում եղած դադարից, պայմանավորվել են 2 խաղ անցկացնել:
Դրանցից առաջինը տեղի ունեցավ փետրվարի 21-ին «Դինամո»
մարզադահլիփում: Մրցապայքարը բավականին լարված եւ դիտարժան
ստացվեց: Առաջին խաղակեսն ընթացավ երեւանցիների առավելությամբ,
որոնք հանգստի գնացին 2-1 հաշվով առջեւում գտնվելով: Սակայն
երկրորդ կեսում հիմնականում պատանի ֆուտբոլիստներով համալրված
«Իմեդին» ուժեղացրեց ճնշումը, 2 գոլ խփեց եւ խաղը շահեց 3-2
հաշվով:
Այս թիմերի 2-րդ հանդիպումը կանցկացվի փետրվարի 23-ին: