ԾԱՂԿԱՁՈՐ, 31 ՀՈՒՆՎԱՐԻ, ՆՈՅՅԱՆ ՏԱՊԱՆ: Ռուսաստանի դահուկորդները նախապատրաստվում են Գերմանիայի Օբերսդորֆ քաղաքում փետրվար ամսին կայանալիք աշխարհի առաջնությանը: Նախապատրաստության վերջին փուլը նրանք անցկացնում են Հայաստանում` Ծաղկաձորի մարզաբազայում, որտեղ կան բոլոր անհրաժեշտ պայմանները: Ռուսաստանի հավաքականի ուսումնամարզումային հավաքը կեզրափակվի ընտրական մրցումներով, որոնցից հետո վերջնականապես կորոշվեն աշխարհի առաջնության մասնակիցները: Ծաղկաձորում փետրվարի 1-ին մեկնարկող մրցումները բաց են, եւ դրանց հրավիրված են նաեւ Հայաստանի ուժեղագույն դահուկորդները: Ռուսաստանի մարզիկների հետ իրենց ուժերը կչափեն Հայաստանի հավաքականի անդամներ Էդմոն Խաչատրյանը, Հովհաննես Սարգսյանը, Մերի Հակոբյանը եւ Աիդա Սարիբեկյանը:

---