ՀՀ ՖՈՒՏԲՈԼԻ ՖԵԴԵՐԱՑԻԱՆ ՊԱՐԳԵՎԱՏՐԵՑ ԼԱՎԱԳՈՒՅՆ ԹԻՄԵՐԻՆ
29-12-2004 18:35:00 | Հայաստան | Սպորտ
ԵՐԵՎԱՆ, 29 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի ֆուտբոլի
ֆեդերացիան դեկտեմբերի 29-ին պարգեւատրեց 2004թ.-ի ֆուտզալի եւ
կանանց ֆուտբոլի հանրապետական առաջնություններում աչքի ընկած
թիմերին եւ խաղացողներին:
Ֆուտզալի Հայաստանի չեմպիոն «Պոլիտեխնիկ» (Երեւան) թիմի
ֆուտբոլիստներին հանձնվեցին ոսկե մեդալներ եւ 1-ին կարգի
դիպլոմներ: Երկրի առաջնության 2-րդ եւ 3-րդ մրցանակակիրներ «Թալ
Գրիգ» (Երեւան) եւ «Փյունիկ» (Երեւան) թիմերի ներկայացուցիչները
ստացան, համապատասխանաբար, արծաթե եւ բրոնզե մեդալներ, 2-րդ եւ
3-րդ կարգի դիպլոմներ: Հատուկ մրցանակ շնորհվեց լավագույն
ֆուտբոլիստ ճանաչված Կարեն Միքայելյանին («Պոլիտեխնիկ»):
Հայաստանի աղջիկների չեմպիոն թիմը` Երեւանի «Քոլեջը»,
արժանացավ փոխանցիկ գավաթին եւ 1-ին կարգի դիպլոմին:
Պարգեւատրվեցին նաեւ 2-րդ եւ 3-րդ մրցանակակիցները` հանրապետական
մարզադպրոցի եւ «Փյունիկ» ակումբի ներկայացուցիչները, ինչպես նաեւ
առաջնությունում աչքի ընկած մյուս թիմերի խաղացողները: