ԵՐԵՎԱՆ, 11 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ընդամենը մեկ մրցափուլ
է մնացել անցկացնելու Հայաստանի շախմատիստի կենտրոնական տան (ՀՇԿՏ)
կանանց առաջնության մասնակիցներին: Չեմպիոնուհու կոչման համար
պայքարը շատ է սրվել: Յոթ մրցափուլից հետո միանգամից 3
մասնակիցներ` Անի Ավանեսյանը, Մարիաննա Գասպարյանը եւ Լիա
Մարտիրոսյանը ունեն 6-ական միավոր: Առաջատարների եռյակին հաջորդում
են 5-ական միավոր հավաքած 4 շախմատիստուհիներ` Աննա Հայրապետյանը,
Լիանա Աղաբեկյանը, Մարինե Դումանյանը եւ Անահիտ Խառատյանը: Հենց
այս 7 մասնակիցների միջեւ էլ վերջին մրցափուլում կխաղարկվի ՀՇԿՏ-ի
չեմպիոնուհու կոչումը: Հաղթողն իրավունք կստանա մասնակցելու
Հայաստանի կանանց 2005թ.-ի առաջնության բարձրագույն խմբի
մրցաշարին: