ԵՐԵՎԱՆ, 5 ՀՈՒՆՎԱՐԻ, ՆՈՅՅԱՆ ՏԱՊԱՆ: 2006 թ. ապրիլի 22-29-ը Թեհրանում կայանալիք Իրանի համալսարանական թատրոնի 9-րդ միջազգային փառատոնին Հայաստանը կմասնակցի Երեւանի Պատանի հանդիսատեսի թատրոնում բեմադրված Ալբեր Հերնի «Սիլվիա» ներկայացումով: Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին ՀՀ մշակույթի եւ երիտասարդության հարցերի նախարարությունից, ներկայացման ռեժիսորն է Ստեփան Ղազարյանը: Երեւանի Պատանի հանդիսատեսի թատրոնը նախկինում էլ մասնակցել է Իրանում կայացած փառատոններին:

---