ԴԵԿՏԵՄԲԵՐԻ 16-ԻՆ «ԱՐԱՄ ԽԱՉԱՏՐՅԱՆ» ՀԱՄԵՐԳԱՍՐԱՀՈՒՄ ԿԿԱՅԱՆԱ
ՄՈՑԱՐՏԻ 250-ԱՄՅԱԿԻՆ ՆՎԻՐՎԱԾ ՀԱՄԵՐԳ
07-12-2005 17:00:00 | Հայաստան | Մշակույթ
ԵՐԵՎԱՆ, 7 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 16-ին
Երեւանի «Արամ Խաչատրյան» համերգասրահում կկայանա Մոցարտի
250-ամյակին նվիրված համերգ, որին կմասնակցեն Պորտուգալիայից
հրավիրված դաշնակահար Ֆիլիպես Պինտո Ռիբեյրոն եւ թավջութակահար
Վարուժան Բարտիկյանը, ամերիկացի ջութակահար Փիթո դի Վրիզը եւ
դիրիժոր Ջոն Նելսընը: Ինչպես նշված է Հայաստանի Պետական
ֆիլհարմոնիկ նվագախմբից «ՆՈՅՅԱՆ ՏԱՊԱՆ»-ին տրամադրված
հաղորդագրությունում, համերգին Ֆիլհարմոնիկի նվագակցությամբ,
«Հովեր» կամերային երգչախմբի եւ Հայաստանի Պետական կամերային
երգչախմբի մասնակցությամբ կհնչեն Մոցարտի «Մեծ մեսսա դո մինոր» եւ
Բեթհովենի «Եռակի կոնցերտ» ստեղծագործությունները: