ՀԱՄԱՇԽԱՐՀԱՅԻՆ ՖԻՆԱՆՍԱԿԱՆ ՃԳՆԱԺԱՄԸ ՉԻ ԱԶԴԻ ԻՐԱՆԻ ՏՆՏԵՍՈՒԹՅԱՆ
ՎՐԱ, ՀԱՄՈԶՎԱԾ Է ՆԱԽԱԳԱՀ ԱՀՄԱԴԻՆԵՋԱԴԸ
28-11-2008 14:50:00 | Իրան | Միջազգային
ԹԵՀՐԱՆ, 28 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Իրանի նախագահ Մահմուդ
Ահմադինեջադը համոզված է, որ Իրանը կապրի անգամ առանց նավթի
արտահանումից ստացվող եկամուտների: Իրանի ղեկավարի այս
հայտարարությունը տարածել է IRNA գործակալությունը:
«Եթե անգամ թշնամիները դադարեն գնել իրանական նավթը, երկիրը
կացությունից դուրս կգա անվնաս»,- Իրանի հարավ-արեւմուտքում գտնվող
Ահվազ քաղաք աշխատանքային այցի ժամանակ ասել է Ահմադինեջադը:
«Ընթացիկ համաշխարհային ֆինանսական ճգնաժամը որեւէ որոշակի
ազդեցություն չունի Իրանի բյուջեի վրա, քանի որ Իրանի
տնտեսությունը հենվում է իր ներքին ներուժի վրա: Վերջապես նա
(Արեւմուտքը) կհասկանա, որ պատժամիջոցները ոչ մի անդրադարձ չեն
ունենում մեզ վրա»,- ավելացրել է երկրի ղեկավարը:
Գործակալությունը նաեւ հաղորդում է, որ Իրանը ունի 138 մլրդ.
բարել սեւ ոսկու հաստատված պաշարներ, օրական արդյունահանում է
մոտավորապես 4,2 մլն. բարել նավթ: