ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանում փողի բազան 2008թ.-ի սեպտեմբերի 30-ի դրությամբ կազմել է 438 մլրդ 347 մլն դրամ (շուրջ 1 մլրդ 423 մլն ԱՄՆ դոլար)` նախորդ ամսվա նկատմամբ աճելով 2 մլրդ 572 մլն դրամով կամ 0,6%-ով: Ըստ ՀՀ Կենտրոնական բանկից ՀՀ Ազգային վիճակագրական ծառայությանը փոխանցված նախնական տվյալների, 2008թ.-ի սեպտեմբերի 30-ի դրությամբ փողի զանգվածը կազմել է 753 մլրդ 559 մլն դրամ` նախորդ ամսվա նկատմամբ աճելով 147 մլն դրամով կամ 0.02%-ով: Բանկերում բնակչությունից ներգրաված ավանդների մնացորդը 2008թ.-ի սեպտեմբերի 30-ի դրությամբ կազմել է 216 մլրդ 714 մլն դրամ` նախորդ ամսվա նկատմամբ նվազելով 1 մլրդ 71 մլն դրամով կամ 0,5%-ով, իսկ նախորդ տարվա համապատասխան ժամանակահատվածի նկատմամբ աճելով 56 մլրդ 147 մլն դրամով կամ 35%-ով:

---