ԼԵՎՈՆ ԱՐՈՆՅԱՆԸ ՎԵՅԿ ԱՆ ԶԵԵԻ ՄՐՑԱՇԱՐԻ ԱՌԱՋԻՆ 2 ՓՈՒԼԵՐՈՒՄ
ՀԱՂԹԱՆԱԿՆԵՐ Է ՏԱՐԵԼ
14-01-2008 17:00:00 | Նիդեռլանդներ | Սպորտ
ՎԵՅԿ ԱՆ ԶԵԵ, 14 ՀՈՒՆՎԱՐԻ, ՆՈՅՅԱՆ ՏԱՊԱՆ: Հունվարի 12-ին
Հոլանդիայի Վեյկ ան Զեե քաղաքում 70-րդ անգամ մեկնարկել է «Կորուս»
անվանումով շախմատի միջազգային փառատոնը: 20-րդ կարգի մրցաշարում
հանդես են գալիս աշխարհի գրեթե բոլոր ուժեղագույն շախմատիստները:
Գլխավոր մրցաշարի մասնակից 14 գրոսմայստերների թվում է
փառատոնի անցյալ տարվա հաղթող Լեւոն Արոնյանը: Խաղացված առաջին 2
փուլերում նա հաղթանակներ է տարել նախ Վեսելին Թոփալովի
(Բուլղարիա), ապա Բորիս Գելֆանդի (Իսրայել) նկատմամբ: Լ.Արոնյանը
եւ Մագնուս Կառլսենը (Նորվեգիա) 2 հնարավորից վաստակել են 2-ական
միավոր եւ գլխավորում են մրցաշարային աղյուսակը:
Գլխավոր մրցաշարին զուգահեռ անցկացվող «Բ» մրցաշարում Գաբրիել
Սարգսյանը եւ Սերգեյ Մովսիսյանը (Սլովակիա) իրենց 2 պարտիաներն էլ
ավարտել են ոչ-ոքի արդյունքով եւ 1-ական միավորով բաժանում են
7-10-րդ տեղը: