ՈՍՏԻԿԱՆՈՒԹՅՈՒՆԸ ՁԵՐԲԱԿԱԼԵԼ Է ՓԱՐԻԶՅԱՆ ՊԱՅԹՅՈՒՆԻՆ
ՀԱՆՑԱԿՑԵԼՈՒ ՄԵՋ ԿԱՍԿԱԾՎՈՂԻ
07-12-2007 18:45:00 | Ֆրանսիա | Միջազգային
ՓԱՐԻԶ, 7 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիական
ոստիկանությունը ձերբակալել է փարիզյան փաստաբանական գրասենյակի
պայթյունին մեղսակցության մեջ կասկածվողի: Խոսքը 45 տարեկան
տղամարդու մասին է, ճարտարապետ, որը նախկինում ընդհարում է ունեցել
այդ գրասենյակի փաստաբաններից մեկի հետ:
Պայթյունը տեղի էր ունեցել հինգշաբթի հայտնի փաստաբաններ
Օլիվիե Բրանի եւ Կատրին Գուզ-Ժանսելմի գրասենյակում, այն շենքում,
որի հարկերից մեկում տեղավորված է, մասնավորապես, իրավաբանական այն
գրասենյակը, որը եղել է պետության ներկայիս ղեկավար Նիկոլա
Սարկոզիի նախկին աշխատավայրերից: Գրասենյակի ընդունարան էր ցրիչը
բերել ծանրոց` երկու պայթուցիկ սարքերով: Այն բացելու ժամանակ
զոհվել էր գրասենյակի քարտուղարը, ծանր վերքեր են ստացել ավելի քան
տասը մարդ: