ԵՐԵԽԱՆԵՐԻ ՆԿԱՐՉՈՒԹՅԱՆ ՄԻՋԱԶԳԱՅԻՆ ՄՐՑՈՒՅԹԻ ԺԱՄԱՆԱԿ ՀԱՂԹՈՂ Է
ՃԱՆԱՉՎԵԼ ՆԱԵՎ ՀԱՅԱՍՏԱՆՑԻ ՄԱՐԻԱՄ ՄԱՐՈՒԽՅԱՆԻ ՆԿԱՐԸ
29-11-2007 20:45:00 | Հայաստան | Մշակույթ
ԵՐԵՎԱՆ, 29 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՄԱԿ-ի Տնտեսական եւ
սոցիալական հարցերի, Հանրային տեղեկատվության եւ ՄԱԿ-ի Փոստային
վարչությունների կողմից 2007թ.-ի գարնանը հայտարարված երեխաների
նկարչության միջազգային մրցույթին Հայաստանից մասնակցել են մոտ 475
երեխաներ: Մրցույթի նպատակն էր ընտրել 6 նկարներ «Մենք կարող ենք
վերջ դնել աղքատությանը» թեմայով 2008թ. ՄԱԿ-ի դրոշմանիշի
ձեւավորման համար: Հաղթող ճանաչված նկարների թվում է նաեւ
հայաստանցի 13 տարեկան Մարիամ Մարուխյանի աշխատանքը: Բացի այդ,
հայաստանցի երկու երեխաների աշխատանքներ արժանացել են
Շնորհալիների, 1-ը` Արժանահիշատակության վկայականների, 6-ը`
Մասնակցի շնորհակալագրերի:
Հայաստանում այդ մրցույթը կազմակերպել էին ՄԱԿ-ի Հանրային
տեղեկատվության վարչության երեւանյան գրասենյակը եւ ՄԱԿ-ի Հայկական
ասոցիացիան: Ինչպես նոյեմբերի 29-ին ՄԱԿ-ի հայաստանյան
գրասենյակում կազմակերպված միջոցառմանը նշեց ասոցիացիայի նախագահ
Կարեն Ասատրյանը, նկարչության մրցույթին մասնակցել են ավելի քան 12
հազար երեխաներ ամբողջ աշխարհից: Նկարները ներկայացվել են Նյու
Յորքում հոկտեմբերի 17-ին` Աղքատության վերացման միջազգային օրվա
հիշատակման ժամանակ: Նշվեց նաեւ, որ ամենաբարձր մասնակցությունը
ցուցաբերել են Նորվեգիան, ԱՄՆ-ն, Պորտուգալիան, Հոլանդիան,
Հայաստանը, Հնդկաստանը եւ Ինդոնեզիան: